TRISTATA

TRISTATA

apud Fridegodum, in Vita S. Wilfridi, c. 15.

Convenêre Duces; nec non Basileia pubes,

Tristatae, Comites, vulgi promiscua strages:

ex Graeco Τριςτάτης est, quâ voce Graeci Interpretes utuntur, Exodi c. 14. v. 7. ubi de Pharaone Israelitas persequuturo, καὶ ἔλαβεν ἑξακόσια ἅρματα, καὶ τριςτάτας ἐπὶ πάντων. Et l. 4. Reg. c. 7. v. 2. Καὶ ἀπεκρίθη ὁ τριςτάτης. Quorum locorum illo Duces, hôc Tribunum, Tremellius et Iunius interpretantur. Hieronymus, Tristatae apud Graecos, inquit, nomen est secundi gradus; post regiam dignitatem, quos nos Magistratus utriusque militiae et Praefectos annonarii tituli vocamus, in Ezech. c. 23. Vide Car. du Fresne Glossar. et Macros Fratres Hierolex. At Τειτοςτάτης in Scena vetere, dictus est, qui tertium in choro locum tenebat, Salmas. ad Solin. p. 133.